| دانستہ جبر کی وہ سفارت بھی کرتے ہیں |
| کچھ الفتوں کی آج تجارت بھی کرتے ہیں |
| جب دیکھتے نہیں ہیں عداوت کے کچھ سوا |
| سو نام ان کے اپنی بصارت بھی کرتے ہیں |
| محفوظ ہیں بساط پہ مہرے اسی طرح |
| جو روز بڑھ کے آگے شرارت بھی کرتے ہیں |
| کر کے تباہ شہر ، دلوں کا نگر کوئی |
| ہوتے ستم کی ہر وہ حمایت بھی کرتے ہیں |
| اک کھیل کے وہ کھیل محبت کا رات بھر |
| دشمن بنے وفا کے ، قیامت بھی کرتے ہیں |
| شوخی ادا کے بھیس میں کھلتے گلاب سے |
| دنیا میں دل پہ سب کے حکومت بھی کرتے ہیں |
| ہم مانتے نہیں ہیں انہیں گل بہار کے |
| اشکوں سے جو خزاں کی طراوت بھی کرتے ہیں |
| سنبھال کے تو رکھ سبھی بوندیں وفاؤں کی |
| گلنار سی جو بزم میں حالت بھی کرتے ہیں |
| لگتی نہیں ہیں آنکھیں ہماری ! اے زندگی |
| ہم کھل کے تجھ سے دیکھ بغاوت بھی کرتے ہیں |
| شاہد جو بس گیا ہے زمانوں میں اب مرے |
| ہم اس کو بھولنے کی جسارت بھی کرتے ہیں |
معلومات