| آغازِ مظالم کے ہر انجام پہ روئے |
| کل شب کہ بہت حسرتِ ناکام پہ روئے |
| پابندِ سلاسل جو ہوئے قیدئ مشتاق |
| وہ عشقِ خمیدہ ترے الزام پہ روئے |
| یوں ذہنِ اذیت میں شماراں تھے مصائب |
| ہر سوچ کے نادیدۂ اُوہام پہ روئے |
| اُلجھن میں بڑھی جاتی تھی سفاکئ ہجراں |
| دل نوچ کے اُس کاغذی خوش نام پہ روئے |
| دردوں کے مصور نے رلایا مجھے شب بھر |
| تصویرِ جگر پھاڑ کے ہر دام پہ روئے |
| حاصل نہ ہوں جو ساقئ بے خود کی شرابیں |
| دل عمرِ رواں لغزشِ بے جام پہ روئے |
| ہو جائے پلانے کا عجب سلسلہ جاناں |
| جو لب یہ ترا لب کے لبِ بام پہ روئے |
| بارعب ہوا ضبطِ مسخر کا تماشا |
| وہ رہبرِ کُشتہ نہ کسی گام پہ روئے |
| آئے کبھی جو یاد درختوں کو پرندے |
| یہ بوڑھے شجر ہجرتِ ایام پہ روئے |
| لٹنے کے شواہد یوں تو نا جانچیے منصف |
| انبوۂ سفر منزلِ بِسرام پہ روئے |
| یہ عیبِ عناصر ہے محبت کا ہی ساگر |
| تاعمر جو اک شخص کے ہم نام پہ روئے |
معلومات