| میرے دل کی سختیوں میں میں کہاں شامل رہا |
| سخت جانی میں کمالِ دوستاں شامل رہا |
| سنگ باری کا ہنر جو مجھ کو حاصل ہے ابھی |
| محسنوں کا اس میں وہ طرزِ بیاں شامل رہا |
| میں بیاں کیسے کروں یہ شرم آتی ہے مجھے |
| لوٹنے میں مجھکو سارا کارواں شامل رہا |
| کیا ستاروں کے جہاں سے دشمنی بھی تھی کوئی |
| توڑنے میں مجھ کو کیوں یہ آسماں شامل رہا |
| اب رقیبوں سے گلہ بھی میں کروں تو کیا کروں |
| سازشیں کرنے میں تیرا بھی مکاں شامل رہا |
| پا سکے ہو تم کہاں جو یہ ہمایوں راز تھا |
| قہقہوں کے بھیس میں آہ و فغاں شامل رہا |
| ہمایوں |
معلومات