| سب زخم عیاں میرے، نِہاں کچھ بھی نہیں |
| اُلفت کے سوا تیری، یہاں کچھ بھی نہیں |
| ارزاں نہیں نیلِ نگہِ اُلفتِ یار |
| اُس کی بے نیازی کو، گِراں کچھ بھی نہیں |
| ہے عشق بعوض راحتِ خوابِ شب |
| ہے سود یہ مُضعاف، زِیاں کچھ بھی نہیں |
| وہ عرضیاں اک عمر کی، تھیں نوکِ زُباں |
| عُجلت میں مگر ہوئی، بیاں کچھ بھی نہیں |
| ہیں قوسِ سماں سے، تارے جھڑتے بہت |
| کیوں بوسِ جبیں کا اِمکاں کچھ بھی نہیں |
| یہ گونجِ صدا پلٹی، ہے بے نیلِ مرام |
| اُس در سے ہے حاصلِ فُغاں کچھ بھی نہیں |
| ہے سایہ فگن روز و شب آسماں گر |
| شب باشی کا میری، درماں کچھ بھی نہیں |
| میلانِ خوں ریزی، خُوۓ انساں میں ہے |
| افسردہ ہُوں، وجہِ مُسکاں کچھ بھی نہیں |
| وہ خود بیں کہ اب، بن گیا ہو خود آگاہ |
| رہتی اُسے قدرِ دو جہاں کچھ بھی نہیں |
| کافی ہے بہت توشہِ دُرِّ یقیں بھی |
| دِکھنے میں متاعِ کارواں کچھ بھی نہیں |
| نسبت ہوئی لُطفِ علم و عرفاں سے |
| پھر مہؔر رہا شوقِ بُتاں کچھ بھی نہیں |
| --------٭٭٭--------- |
معلومات