"استاذ کی نصیحت" (پٹنہ ٢٠١٨)

کم عمر ہوں میں لیکن باتیں بڑی ہیں میری
اسلاف کا جگر ہے، ہے فکر میری عالی

یہ نظم اگرچہ شاہؔی تخیلات پر مبنی ہے مگر اس میں قدرے حقیقت بھی پنہاں ہے،

ایامِ طفلگی میں استاذِ محترم سے میں نے یہ سوال کیا تھا کہ محترم آخر ایسا کیوں ہوتا کہ اگر کوئی ڈوبتا سورج ہو یا اس پر ڈوبنے کا الزام ہو تو لوگ اس سے کنارہ کشی اور قطع تعلق کرلیتے ہیں جبکہ اس کے بر عکس اگر کوئی ابھرتا سورج ہو یا، نام و شہرت والا ہو تو وہی لوگ اس سے نسبت جوڑنے میں کوئی کسر نہیں چھوڑتے

( یہ ہمارے معاشرے کی ایک تلخ حقیقت ہے )

جہاں تک مجھے یاد ہے استاذِ محترم کی جانب سے مجھے اس وقت کوئی جواب نہیں ملا تھا مگر آج صبحدم جب میں نمازِ فجر کے لئے مسجد رشید جارہا تھا یکایک وحی کا نزول ہوا اور مجھ پر وہ سارے مضامین عیاں کر دیے گئے کہ اک مدت سے جن کی تلاش میں سرگرداں تھا بالآخر مجھے اس سوال کا جواب مل ہی گیا جو میرے خیالات کی گہرائی میں کہیں دور گم ہو گیا تھا
" اک وہ دن تھا اور اک آج کا دن ہے "

. "استاذ کی نصیحت"