| یاروں کی کچھ خطا تھی نہ دل کا قصور تھا |
| جس نے کیا تباہ وہ میرا غرور تھا |
| فوری جزا ملے یہی خواہش میں چور تھا |
| میں اس قدر ازل سے یہاں ناصَبُور تھا |
| شام و سحر عجب سی بلا کا ظہور تھا |
| لگتے گلے ہی تیرے یہ دل چور چور تھا |
| سمجھا نہ وہ تو فہم کا اس کے قصور تھا |
| وہ تم نہ تھے مگر کوئی تم سا ضرور تھا |
| میں کس زباں سے حالِ دل اپنا بیاں کروں |
| گفت و شنود کی میں کسالت سے چور تھا |
| میں تو سمجھ رہا تھا کہ منزل وہیں پہ ہے |
| نام و نشان اس کا وہاں سے بھی دور تھا |
| حسانؔ دستِ یاری بڑھایا تھا جس طرف |
| ہاتھوں میں ان کے اک چھپا نشتر ضرور تھا |
معلومات