| اٹھتی نہیں تھی اِدھر نگاہ کسی کی |
| اب تو شرر بن کے دیکھے چاہ کسی کی |
| وعدہ ترا وعدہ تھا اے جھوٹے فریبی |
| تجھ سے ہوئی زندگی تباہ کسی کی |
| دیکھ کہیں جشن ہے تو ہے کہیں ماتم |
| دیکھ سسکتی ذرا وہ آہ کسی کی |
| یاد نہ دستورِ خاص اور قسم بھی |
| یاد رہی بس تجھے تو ڈاہ کسی کی |
| ضد یہ انا، تاج و تخت ایک طرف رکھ |
| سنگ ترے کب ہوئی نباہ کسی کی |
| کچھ تو خیالوں میں بھی دے غیر کو عزت |
| یوں نہ گرا اب تو خوش کلاہ کسی کی |
| سازشوں کے تحت، نفرتوں کے سبب سے |
| کرنے لگا جانچ سر براہ کسی کی |
| دولت و شہرت کے بیچ بند ہو جب کان |
| کیسے کوئی سن سکے کراہ کسی کی |
| کچھ سرِ بازار بکنے کے لئے آئے |
| پہنچے یہاں تک تو وہ نگاہ کسی کی |
| شکل و شباہت، کلام خوب ہے لیکن |
| ان سے تو لگتی نہیں ہے تھاہ کسی کی |
| لمحوں میں ہٹ جائے اس وطن کے برے دن |
| گر لے خبر مردِ بادشاہ کسی کی |
| عام بیاباں یہ تاج و تختِ رعایا |
| خاص کوئی شے نہ شاہراہ کسی کی |
| ہاں کوئی اس کا ضمیر لے نہیں سکتا |
| مانے کہاں بات یہ گواہ کسی کی |
| دہرِ غرض میں یہاں ہیں اپنے لئے سب |
| مانگتے پھر کیوں، ضیا، پناہ کسی کی |
معلومات