| زیبا لگیں جہاں جو آنے نبی کے ہیں |
| ہر سو جو روشنی ہے جلوے سخی کے ہیں |
| ڈنکے بجے جہاں میں مختار آگئے |
| مولا کے خاص ہیں اور دلبر اُسی کے ہیں |
| میثاق تھی وہ مجلس حاضر تھے انبیا |
| جس میں حسیں قصیدے نعرے اُنہی کے ہیں |
| کوثر ملی نبی کو تسنیم بھی ملی |
| لولاک سے جہاں یہ سارے کسی کے ہیں |
| اعلیٰ ہیں رتبے اُن کے کونین ہے گواہ |
| عز و شرف حیا سب ذاتِ جلی کے ہیں |
| سب نعمتیں خدا کی قاسم حبیب ہیں |
| یہ تحفے مصطفی سے آئے غنی کے ہیں |
| آیا جو اُن کے در پر خالی نہیں گیا |
| دونوں جہاں سوالی اُن کی گلی کے ہیں |
| محمود فیضِ سلطاں روشن کرے دروں |
| تاباں جہان کرتے، جلوے نبی کے ہیں |
معلومات