| رشکِ عرشِ حق ہے میرے مصطفی کا روضہ |
| مرکزِ انس و ملک ہے اس شہا کا روضہ |
| جس کی عظمت بالا جو ہے دو جہاں میں اعلی |
| وہ فقط ہے لا مکاں کے اس دلھا کا روضہ |
| خانہ ء دل جس کی یادوں سے منور ہر دم |
| منبعِ انوار شاہِ دو سرا کا روضہ |
| سارے عالم میں مدینے کی نرالی ہے شاں |
| اور ہے شانِ مدینہ مصطفی کا روضہ |
| عاشقوں کی جاں ہے ،دیوانوں کا ارماں ہے وہ |
| سب کا ہے محبوب ، محبوبِ خدا کا روضہ |
| سارے عالم میں بکھرتی ہیں عطائیں یاں سے |
| قاسمِ نعمت شہِ جود و سخا کا روضہ |
| یورپ و انگلینڈ ،امریکہ نہ ہی جاپاں سے |
| عاشقوں کو بس ہے پیارا والضحی کا روضہ |
| جاگے گی قسمت اے عاجز عید ہوگی میری |
| دیکھوں گا جب میں امامِ انبیاء کا روضہ |
معلومات