| ہر سو ہے اس جہاں میں بغاوت کی انتہا |
| اے کاش یاں پہ ہوتی سخاوت کی انتہا |
| پہلے نہ دیکھتے تھے نگاہِ خفیف سے |
| اب تم میں بس گئی ہے حقارت کی انتہا |
| قتلِ بشر ہوا ہے مذہب کے نام پر |
| اس ملک میں عجب ہے عداوت کی انتہا |
| اب ہم کو اس طرح سے ستانا محال ہے |
| اب ہو چکی تمہاری شرارت کی انتہا |
| ”درپن زمیں پہ رکھ کے کچلتا ہوں آسماں“ |
| وہ پوچھتے ہیں مجھ سے جسارت کی انتہا |
| میٹھا کلام سن کے امارت قبول کی! |
| ہوتی ہے کچھ بشر میں جہالت کی انتہا |
| جب دل فدا نہیں ہے خدا اور رسول پر |
| پھر لاکھ تم بھی کر لو عبادت کی انتہا |
معلومات