| یہ ڈنکا حکمِ کن کا بھی، پیامِ مشفقانہ ہے |
| محبت ہے خدا کی یہ، اسی سے ہر فسانہ ہے |
| محبت رحمتِ عالم، محبت شاں جہانوں کی |
| محبت بربطِ دل کی، صداؤں کا خزانہ ہے |
| محبت سے ثمر پیارے، فضائے دہر میں سارے |
| یہ ہی ہے راگ ہستی کا، مبصر کل زمانہ ہے |
| متاعِ من ہے یہ ہمدم، اسی سے سوز ہے دل کا |
| اسی میں راز ہے جاں کا، اسی سے آنکھ بینا ہے |
| محبت دم امیں کا ہے، محبت مصطفیٰ کا دل |
| محبت ہیں خلیل اللہ، محبت لطفِ سینہ ہے |
| محبت فاتحِ عالم، سدا ہے زندگانی میں |
| جہاں دیکھو، جہاں بھر میں، محبت کا ترانہ ہے |
| رواں اس سے زماں سارے، محبت جانِ ہستی ہے |
| محبت دیکھ مولا کی، نبی سے والہانہ ہے |
| ثنا جن کی وہاں جاری، جہاں حمدِ خدا باری |
| حبیبِ رب، محمد ہیں، محبت یہ یگانہ ہے |
| نہاں عشقِ نبی سرور، خلق کے پیارے گیتوں میں |
| اُنہی سے خلقِ خالق کا، رواں ہر کارخانہ ہے |
| وہ ہی ہیں رونقِ گلشن، اُنہی سے انجمن تاباں |
| حسیں اُن سے چمن سارے، سجا اُن کا گھرانہ ہے |
| سدا محمود تم بھیجو، درود، اُن پر محبت سے |
| رہے گی راس جو دائم، نفس تو ہر بے گانہ ہے |
معلومات