| ہے خوشبو کا مخزن پسینہ نبی کا |
| گلوں نے سنبھالا خزینہ نبی کا |
| سجے ہیں جہاں میں ہزاروں مدائن |
| مگر سب سے افضل مدینہ نبی کا |
| وہی نا خدا ہیں بچائیں گے سب کو |
| حوادث میں پایا سفینہ نبی کا |
| کرم اور عنایت کی تمثیل وہ ہیں |
| ادب سے مزین ہے سینہ نبی کا |
| شفاعت کا منصب انہی کے حوالے |
| ہے جنت کا ہر ایک زینہ نبی کا |
| عطا اور کرم ہیں نبی کے خصائل |
| سخاوت کا روشن نگینہ نبی کا |
| ملے گا اسے امنِ کونین ساغر |
| سنبھالا ہو جس نے قرینہ نبی کا |
معلومات