| مہمان زائرو اب دلبر کا روضہ دیکھو |
| کعبہ ہے خوب دیکھا کعبہ کا قبلہ دیکھو |
| سیراب ہو چکے ہو زمزم سے پیارے حاجی |
| آؤ نبی کے در پر قلزم عطا کا دیکھو |
| تھے چھینٹے تم کو آئے میزابِ رحمتوں کے |
| ان کے کرم سے نوری برکھا برسنا دیکھو |
| دیکھی تھی تم نے حالت کعبہ میں حاجیوں کی |
| مشتاقِ مصطفیٰ کا اس جا تڑپنا دیکھو |
| کی تم نے آنکھ ٹھنڈی قبلہ کی جلوتوں سے |
| قصرِ کریم کا ہے یہ نوری جلوہ دیکھو |
| زینت حسن سے اعلی قبلہ کی تم نے دیکھی |
| کونین کا حسن یہ نبیوں میں اعلیٰ دیکھو |
| محمود سن صدا یہ فاراں سے آ رہی ہے |
| اب چشمِ آرزو سے روضہ نبی کا دیکھو |
معلومات