| کبھی جھانکو صنم خانے میں آ کر |
| رہو کُچھ دِن تو وِیرانے میں آ کر |
| وہی خالق نُمایاں جا بجا ہے |
| کُھلا ہے مُجھ پہ بُت خانے میں آ کر |
| اِرادہ تو نہِیں تھا میرا لیکن |
| بہایا خُوں کِسی طعنے میں آ کر |
| پڑھو چہروں پہ غم کی داستانیں |
| کچہری میں، کبھی تھانے میں آ کر |
| جُدا ماں باپ سے اب ہو چلا ہوں |
| فقط بِیوی کے بہکانے میں آ کر |
| بہُت اچھے تھے جب تک ہوش نا تھا |
| لُٹایا خُود کو فرزانے میں آ کر |
| اب اِس کے ہونٹ چُومُوں؟ یا نہ چُومُوں؟ |
| یہ بیٹھا کون پیمانے میں آ کر؟ |
| وہ میری مان لیتا کیا بُرا تھا؟ |
| گنوایا وقت سمجھانے میں آ کر |
| کہ جِس کِردار کی تھی پیاس حسرتؔ |
| مِلا عصمتؔ کے افسانے میں آ کر |
| رشِید حسرتؔ |
معلومات