| خودی اپنی دبانے سے بڑا نقصان ہوتا ہے |
| یونہی سر کو جھکانے سے بڑا نقصان ہوتا ہے |
| جنہیں سو بار پرکھا ہو جنہیں سو بار جانچا ہو |
| انہیں پھر آزمانے سے بڑا نقصان ہوتا ہے |
| بھلے کچھ لاٹ مدھم ہے مگر رستہ تو روشن ہے؟ |
| دِیئے ننھے بجھانے سے بڑا نقصان ہوتا ہے |
| صدائیں جب بلائیں تو بھلا کر رنجشیں چل دو |
| بلاووں پر نا جانے سے بڑا نقصان ہوتا ہے |
| پھر ایسا دور آتا ہےجب انساں ٹوٹ جاتا ہے |
| امنگوں کو چھپانے سے بڑا نقصان ہوتا ہے |
| کسی بے مہر کے آگے نا اشکوں کو بہاؤ تم |
| یہ موتی یوں لٹانے سے بڑا نقصان ہوتا ہے |
| پھر ان کی لو میں اے عاصم پگھلتی ہیں مرادیں بھی |
| بجھی شمعیں جلانے سے بڑا نقصان ہوتا ہے |
معلومات