| دلکش ہے دلربا ہے رمضان کا مہینہ |
| اللہ کی عطا ہے رمضان کا مہینہ |
| ہر سمت نور چھایا دل نے سکون پایا |
| ایمان کی جلاہے رمضان کا مہینہ |
| سجدوں کا نور مانگو عشقِ حضور مانگو |
| اس واسطے ملا ہے رمضان کا مہینہ |
| سر بھی جھکاؤ اپنے دل بھی جھکاؤ اپنے |
| مخمور سی فضا ہے رمضان کا مہینہ |
| تیرا ہے فضل مولا تیرا ہی شکر مولا |
| اک بار پھر دیا ہے رمضان کا مہینہ |
| دامن کو بھر لو اپنے تم نیکیوں سے طالب |
| بخشش کا آئنہ ہے رمضان کا مہینہ |
معلومات