| پھر دل میں آ رہی ہیں یادیں کمال کی |
| سرکار کے حسن کی ان کے جمال کی |
| جرات کیا ہے میری میں سوچ بھی سکوں |
| بالکل خبر نہیں ہے اس دل کے حال کی |
| فیاض مصطفیٰ ہیں دیں جھولیاں سخی |
| نصرت ملی ہے سب کو جن کے خصال کی |
| امت پہ سخت گھڑیاں اعمال سے ہیں جو |
| ٹوٹے گرفت مولا شیطاں کے جال کی |
| حق دیکھیں جیسے حق ہے ایسی نظر ملے |
| آئے سمجھ ہمیں بھی اس کے مآل کی |
| خُلقِ عظیم آقا شیریں سخن ہوں ہم |
| حاصل ہوں برکتیں سب تیرے زلال کی |
| محمود بے خبر نے سوچا جو کہہ دیا |
| کب آگہی اسے ہے خاصوں کے حال کی |
معلومات