| خدا کے محبوب خلق کے دستگیر کا ہے |
| یہ دن ہمارے کریم لجپال پیرؓ کا ہے |
| ہُوے ہیں شامل بشر بھی نوری ملائکہ بھی |
| کہ عرسِ پاک آج شاہِ گردوں سَریر کا ہے |
| صدائیں آتی ہیں چاروں جانب سے مرحبا کی |
| کہ جشنِ رحمت شہِ زمنؐ کے سَفیر کا ہے |
| ضرور اہلِ صَفا بھی تشریف لائے ہیں آج |
| کہ دیکھیے عرسِ پاک غوثِ کبیرؓ کا ہے |
| وہ بندہ ہاتھ اپنا غوثِ اعظمؓ کے ہاتھ میں دے |
| کہ جس کے بھی دل میں خوف منکر نکیر کا ہے |
| بصارتِ دل سے غنیتہ الطالبین پڑھیں |
| کلام یہ رہنمائے روشن ضمیر کا ہے |
| یوں منکشف ہونگے تم پہ واحدانیت کے اسرار |
| جُھکاؤ سر اپنا در یہ پیرانِ پیرؓ کا ہے |
| خدا کا ہے شکر غوثؓ کا ہے غلام شاہدؔ |
| جہاں میں دشمن نہ کوئی اب اِس فقیر کا ہے |
معلومات