| یہی دل ہے، یہی دل کی لگی ہے |
| کہ جس میں تیری خوشبو جا بسی ہے |
| مسافت کب کسی سے کم ہوئی ہے |
| یہی راہیں ہیں منزل بھی، وہی ہے |
| تری یادوں کا موسم چل پڑا ہے |
| ہواؤں میں عجب سی بے کلی ہے |
| مسلسل ایک سایہ ساتھ ہے کیوں |
| یہی میں ہوں، یہی میری کمی ہے |
| تری چاہت سے وابستہ ہے یہ دل |
| خوشی تیری میں ہی میری خوشی ہے |
| سنبھلنے کی بہت کوشش تو کی تھی |
| مگر پھر بھی وہی افسردگی ہے |
| یہ آنکھیں رات بھر کیوں جاگتی ہیں |
| کوئی خواہش کوئی دیوانگی ہے |
معلومات