| جواب آنسو ، سوال آنسو |
| درونِ مژگاں سنبھال آنسو |
| غمِ گزر کا وِصال آنسو |
| مثالِ ابرِ ، خصال آنسو |
| جو تر گریباں میں جذب ہو کر |
| نہاں رہیں بے مِثال آنسو |
| وفائے کامل قبولِ ٹھیسیں |
| عزیمتوں کے کمال آنسو |
| برس پڑے ہوں بجز ندامت |
| یہ حسنِ ظن یا جَمالِ آنسو |
| وہ یاد آئے جو اس ارادے |
| تو چھینک پر بھی نکال آنسو |
| ہو دل کا اسمیں جو خون شامل |
| تو نکلے آنکھوں سے لال آنسو |
| جو آبگینوں میں جذب ہیں تو |
| کہاں رہے پھر بحال آنسو |
| بڑے ہیں نایاب دیکھ ارشدؔ |
| فضول مت اب نِکال آنسو |
| مرزاخان ارشدؔ شمس آبادی |
معلومات