| *غزل* |
| دل میں اتری سی نوک ہے بابا |
| عشق پر کوئی روک ہے بابا ! |
| زخم پرچون میں ملے لیکن |
| درد کا مال تھوک ہے بابا |
| آہ بھرنے کی چھوٹ ہے اے دل |
| کونسی روک ٹوک ہے بابا |
| سارے رستے یہیں پہ ملتے ہیں |
| یہ محبت کا چوک ہے بابا |
| آنکھ کھلتے ہی جو چھلکتا ہے |
| اشک اپنا بھی کوک ہے بابا |
| کون کمبخت پیتا ہے سگریٹ |
| دل سے اٹھتا سموک ہے بابا |
| جمع کرتے نہیں صحیفے ہم |
| عشق واحد شلوک ہے بابا |
| حرفِ شیدؔآ پہ کان مت دھرئے |
| آپسی نوک جھوک ہے بابا |
| *علی شیدؔآ* |
معلومات