| خُود سے مجھ کو گِلہ نہیں کوئی |
| گرچہ تُجھ سا مِلا نہیں کوئی |
| لاکھ کوشش کے باوجود میاں |
| زخمِ دِل ہی سِلا نہیں کوئی |
| یار اِس مطلبی زمانے میں |
| چاہتوں کا صِلہ نہیں کوئی |
| موسمِ گل چلا گیا آ کر |
| پھول لیکن کِھلا نہیں کوئی |
| سب سمندر کھنگال کر دیکھے |
| تُجھ سا موتی مِلا نہیں کوئی |
| رات بھر سر پِھری ہواؤں سے |
| ایک پتا ہلا نہیں کوئی |
| خون رِسنے لگا ہے آنکھوں سے |
| گھاؤ ہم نے چِھلا نہیں کوئی |
| میرے جیسا نہیں کوئی مانی |
| میرے جیسا مِلا نہیں کوئی |
معلومات