انساں کا اِس جہاں میں کچھ نہیں ہے |
دی ہے مولا نے تھوڑی سی پی لو |
چھوڑ کر ضد تم اپنی اے واعظ |
چلو مے خانے تھوڑی سی پی لو |
آیا ہے ساقی بٹنے ہے لگی مے |
لگا دن جانے تھوڑی سی پی لو |
شبِ مہتاب و بزمِ دوستاں ہے |
دل کو بہلانے تھوڑی سی پی لو |
توبہ کی تھی مگر بہار کا عہد |
لگا بھٹکانے تھوڑی سی پی لو |
شے یہ تم جیسے کے لیے ہی ہے |
سنو مستانے تھوڑی سی پی لو |
جب کبھی زندگی تری واعظ |
لگے اُکتانے تھوڑی سی پی لو |
دور ہوں گے سبھی اَلَم شاہدؔ |
چلو مے خانے تھوڑی سی پی لو |
معلومات