| یہ منتظر جو گوناں ذاتِ خدا ہے آج |
| کس کے لیے سجایا عرشِ الہ ہے آج |
| طالب وہ کبریا ہے مطلوب دلربا |
| معبود عبد میں جو پردہ اٹھا ہے آج |
| سب کچھ دیا خدا نے اپنے حبیب کو |
| محبوب اپنے رب سے سب لے رہا ہے آج |
| اوجِ فلک پہ بھی وہ امت کے غم میں ہیں |
| بخشش بھی مومنوں کو رب کی عطا ہے آج |
| قوسین کی جو مجلس قصرِ دنیٰ میں ہے |
| پردے اٹھانے والی ذاتِ الہ ہے آج |
| مہکی فضا فلک کی سج دھج میں رفعتیں |
| اک جستِ عشق کو یہ منظر ملا ہے آج |
| سب سدرہ پر ہیں ٹھہرے وہ لا مکاں سے پار |
| اب پاس آؤ دلبر کہتا خدا ہے آج |
| ہوتے ہوئے مکاں سے گزرے وہ لا مکاں |
| قاصر سمجھ سے انساں ششدر کھڑا ہے آج |
| معراج رات ہے یہ محمود نور کی |
| مل کر خدا سے واپس جانِ سخا ہے آج |
معلومات