| باندھا ہوا ہے جیسے دیے کو ہوا کے ساتھ |
| کاٹوں میں عمر کیسے بھلا بے وفا کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک ڈوبتے ہوئے کا سہارا بنے ہو آپ |
| منزل مِلے گی آپ کو میری دُعا کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شہرِ وفا میں مَیں نے جوانی گزار دی |
| دِل کا لگاؤ بڑھنے لگا اُس جگہ کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شرمندگی کا سامنا ہوتا نہیں ہے اب |
| نادم بڑا ہوں دوستو اپنی خطا کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پتھر بنا دیا مرے قدموں کو ایک دم |
| رِشتہ پرانا ہے کوئی آتی صدا کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بے جان دل بھی میرا دھڑکتا ہے زور سے |
| اُس کی نِگہ ملی جو میری نِگہ کے ساتھ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مانؔی اُسی کی راہ پہ چلتا رہوں گا میں |
| عہدِ وفا نبھاؤں گا اپنے خدا کے ساتھ |
معلومات