| غزل |
| غزّہ میں قتلِ عام تو جاری ہے آج بھی |
| انسانیت کہ شرم سے عاری ہے آج بھی |
| روشن خیال لوگ ہیں دَورِ جدید کے |
| ظلمت مگر ضمیر پہ طاری ہے آج بھی |
| بے فیض کائنات کو تسخیر کر لیا |
| سینہ مگر گداز سے عاری ہے آج بھی |
| نیزے پہ سَر بلند ہُوا کربلا میں جو |
| سُنت اُسی حسین کی جاری ہے آج بھی |
| حق بات پر جو مر مٹے وہ سرفراز ہیں |
| اِک سچ ہزار جھوٹ پہ بھاری ہے آج بھی |
| نیکی، بدی میں ایک تصادم اَزل سے ہے |
| حق پر ڈٹے ہیں جیت ہماری ہے آج بھی |
| دادِ سخن بہ شوق سمیٹو شہاب جی |
| محفل بہ قدرِ ذوق تمھاری ہے آج بھی |
| شہاب احمد |
| ۸ مئی ۲۰۲۶ |
معلومات