| عشق کی سجدہ گہ فرش ہو جائیں گے |
| وہ ہمارے لئے عرش ہو جائیں گے |
| وہ مرے پاس آئیں نہ آئیں مگر |
| دل کے آئینے پر نقش ہو جائیں گے |
| مے پلا دے اگر اپنے ہاتھوں سے وہ |
| جام یہ زندگی بخش ہو جائیں گے |
| تُو خیالات کو ڈھیل اتنی نہ دے |
| ورنہ بے قابو یہ رخش ہو جائیں گے |
| عقل سے کام لیں گے نہ گر جوش سے |
| پھر تو دُشمن بھی اِس پکش ہو جائیں گے |
| ہم جو طاعت میں اس کی رہیں عمر بھر |
| اس کے کردار کا نقش ہو جائیں گے |
| طارق اک زندگی دان کر کے اُسے |
| ایک سے ہم کئی لکش ہو جائیں گے |
معلومات