| ایک فِتنہ ہو نِرا خاتُون تُم |
| تُم ثمر پہنو کہ پہنو اُون تُم |
| ہم یہاں پٹنہؔ میں تنہا رہ گئے |
| جا بسے ہو کاہے دیرا دُونؔ تُم |
| تمتماتا ہے رُخِ روشن حُضُور |
| جنوری میں بھی ہو گویا جُون تُم |
| کوئی مُشکل سر اُٹھائے گی نہِیں |
| یاد کر لو بس دُعا مسنُون تم |
| دل میں طاقت کا اضافہ تم سے ہے |
| گویا قوّت کا کوئی معجون تُم |
| میرے ارمانوں کا محور بھی تُمہِیں |
| اور ارماں کا کرو گے خُون تُم |
| جسم دو ہوں گے مگر ہے رُوح اِک |
| ہم اکیلے کب ہیں صاحب دُون تُم |
| کیسا لہجہ ہے تُمہارا دلپذِیر |
| ہم تو پِھیکے سے ہیں سب میں تُھون تُم |
| لو برابر کے ہُوئے گھائِل رشِیدؔ |
| ہم اِدھر پاگل، اُدھر مجنُون تُم |
| رشِید حسرتؔ |
معلومات