| عُہدہ عُلیٰ دہر میں تنہا حضور کا ہے |
| خلقِ خدا میں یکتا شیدا حضور کا ہے |
| تابندگی جہاں میں نورِ مبیں سے آئی |
| قرآں میں مژدہ رب سے آیا حضور کا ہے |
| امت جو با خبر ہے قُل کے امر سے ٹھہری |
| جو حکمِ کبریا، فرمایا حضور کا ہے |
| چھایا اسے ملے گی میدانِ حشر میں بھی |
| آیا جہاں میں جس پر سایہ حضور کا ہے |
| خلدِ بریں ہے اس کی، جو کامراں ہوا ہے |
| جنت میں ہے جو مومن، لایا حضور کا ہے |
| محشر میں امتی کو، اماں نبی سے ہو گی |
| نازاں ہے امتی بھی، سایہ حضور کا ہے |
| محمود! ہو اے مولا، بطحا کے زائروں میں |
| اس نے ہمیشہ صدقہ، کھایا حضور کا ہے |
معلومات