| اے عبیدہ ! دید تیری ہو نہ پھر کیوں جانفزا |
| جانثاروں کا جگر تو سرفروشوں کی ادا |
| اے فلسطیں کے محافظ ! اے قدس کے پاسباں |
| اے صلاح الدین ثانیؔ اعلی ہے رتبہ ترا |
| ایک مدت سے فلسطیں کو تھا جس کا انتظار |
| تو ہے وہ مردِ مجاہد بے کسوں کا آسرا |
| تجھ پہ میری قوم کا ہر نوجواں ہے جانثار |
| اے ہزاروں دل کی دھڑکن!اے ہراک دل کی صدا |
| *جن کا دامن ہے خلافت کے لہو سے داغدار* |
| *لائقِ تقلید کیوں ہوں وہ حرم کے پیشوا* |
| در حقیقت تو ہی ملت کا امیر المؤمنیں |
| ملتِ اسلامیہ کا تو ہی واحد آسرا |
| زندگی ناموسِ ملت پر تری قربان ہے |
| ایک اک قطرہ لہو کا تیرا ملت پر فدا |
| ہم دعا گو ہیں ترے حق میں اے ملت کے سپاہ |
| عرصۂ پیکار میں ہو حامی و ناصر خدا |
معلومات