| کمسنوں کو وہاں پھر رلایا گیا |
| پھر فلسطین پر بم گرایا گیا |
| بچے بوڑھے جواں سارے معصوم ہیں |
| گود میں زخمی بچے بھی مظلوم ہیں |
| کتنے لوگوں کو زندہ جلایا گیا |
| پھر فلسطین پر بم گرایا گیا |
| ظالموں نے کیا ظلم کی انتہا |
| اے خدا تو ہی دے ظالموں کو سزا |
| مثل جنت کو دوزخ بنایا گیا |
| پھر فلسطین پر بم گرایا گیا |
| دین کو ختم کرنے کی ہیں سازشیں |
| ہیں فلسطین کی چاروں اور آتشیں |
| تیرے بندوں کو مولیٰ ستایا گیا |
| پھر فلسطین پر بم گرایا گیا |
| کہتے ہیں ہم سبھی قبلہ اول جسے |
| توڑ نا چاہتا ہے یہ ظالم اسے |
| کتنی مسجد کو بم سے اڑایا گیا |
| پھر فلسطین پر بم گرایا گیا |
| یونسؔ آجا ۓ ظالم پہ رب کی پکڑ |
| توڑدے ایک جھٹکے میں اس کی اکڑ |
| جام غم مسلموں کو پلایا گیا |
| پھر فلسطین پر بم گرایا گیا |
معلومات