| جب سے تِرے دیار میں اے دل کوئی نہیں |
| میں اک سفر میں ہوں، مِری منزل کوئی نہیں |
| کیسی عجیب بات ہے مقتل میں بیٹھ کر |
| مقتول کہہ رہا ہے کہ قاتل کوئی نہیں |
| رک سی گئیں ہیں محفلیں جو علم کی یہاں |
| لگنے لگا ہے شہر میں جاہل کوئی نہیں |
| میں تشنگی مٹانے کی خاطر چلا تھا اور |
| اب دور دور تک مِرے ساحل کوئی نہیں |
| کیوں کر ہوں پھر ترقیاں، کیسے چلے یہ ملک |
| قاضی تو ہیں مگر یہاں عادل کوئی نہیں |
| ثاقب وفا کی راہ کا رتبہ بلند ہے |
| ورنہ جفا کی راہ میں مشکل کوئی نہیں |
معلومات