| احمدیّت پہ جو قربان دل و جان سے ہو |
| دیکھنا اس کی تو پہچان الگ شان سے ہو |
| سامنے اس کے ہو قرآن کی تعلیم اگر |
| کچھ تعلّق نہ فسادوں کا مسلمان سے ہو |
| کیسے ممکن ہے کہ دعویٰ ہو مسلمانی کا |
| راستہ پوچھتا پھرتا کسی شیطان سے ہو |
| رحم کرنا ہے صفت رب کی وہ رحمان و رحیم |
| ہے سزا سامنا جابر کسی سلطان سے ہو |
| فہمِ قرآن حدیثوں کا ہو مطلب واضح |
| کچھ شناسائی محمّد کے گلستان سے ہو |
| چاہتے ہیں جو کریں احمدِ ہندی سے وفا |
| کچھ تعلّق انہیں اردو کے دبستان سے ہو |
| عہد و پیمان نبھاتے ہوئے جاں سے جائیں |
| جذبۂ عشق و محبّت سبھی ایمان سے ہو |
| طارق ایسے ہوں عمل راضی خدا ہو جائے |
| کام تعریف کے قابل کوئی انسان سے ہو |
معلومات