| پیغام مرا جا کر یثرب میں صبا دینا |
| اک عرض مری جا کر احمدؐ کو سنا دینا |
| لاحق ہے مرض مجھ کو روحانی و جسمانی |
| بیمار بہت ہوں میں اب آپ شفا دینا |
| دیدار کروں تیرا دل کی یہ تمنا ہے |
| میں کاش ترا روضہ دیکھوں یہ دعا دینا |
| مانا ہے کہ عاصی ہوں تقدیر مری میں تو |
| دیدارِ نبی لکھ کر قسمت کو جگا دینا |
| دہلیزِ نبی پر میں اک بار چلا جاوں |
| پھر مجھ کو ہمیشہ ہی اس در پہ سلا دینا |
| محشر میں سجے گا جب دربار رسالت کا |
| قدموں میں محمد کے اک بار بٹھا دینا |
| تلخیِ جہنم سے عابد کو بچا اے رب |
| صدقے میں محمد کے جنت میں جگہ دینا |
معلومات