| وہی آرزو ہے وہی جستجو |
| جو حق اللہ ہو ہے جو حق اللہ ہو |
| وہ ہے ذاتِ اقدس وہی کبریا |
| ہیں جس کی خلق میں چمن رنگ و بو |
| وہ مالک ہے ایسا رہے گا دوام |
| یہ دیگر ہے فانی سدا ہے وہ ہُو |
| نبی اس کے دیتے ہیں انعامِ رب |
| صمد ذات اس کی جو ہے وحدَہ ہو |
| وہ تھا پہلے سب سے رہے گا وہی |
| نبی سے یہ آئی حسیں گفتگو |
| نہ رکھے شراکت احد ذاتِ حق |
| رسولِ خدا ہیں نبی عبدُ ہُو |
| ہے اول جو مولا رہے گا وہی |
| کرے کرم اس کا خلق کی نمو |
| وہ قدرت سے ظاہر ہے پوشیدہ بھی |
| وہی ذات ہے گردوں کی آرزو |
| نہ پیدا خلق تھی مگر تھا وہی |
| سجی اس سے ہستی جو ہے چار سو |
| ثنا سب خدا کی نہیں ہے غلو |
| بڑا ہے وہ سب سے عُلیٰ شانِ ہُو |
| بنا دے اگر چاہے ادنیٰ عُلیٰ |
| کرے کرم اس کا جہاں مستبو |
| سدا یاد اس کی یہ سالک کریں |
| سوا یادِ حق ہے دگر دوبدو |
| ہے محمود نغمہ حسیں اللہ ہُو |
| رٹو اس کو دائم کہو اللہ ہُو |
| سدا اللہ ہو ہے سدا اللہ ہو |
| کہیں اللہ ہُو اب کہیں اللہ ہُو |
معلومات