| محبتوں میں زخم ، درد زندگی میں بھر گیا |
| وہ خواب اک بنا رہا جو پلکوں میں ٹھہر گیا |
| بدن کی اڑ گئی جو خاک دور ، دور تک مری |
| نگل گئی زمیں مجھے ، غبار اک بکھر گیا |
| لبوں سے گر نکل گئی دعا بھی بے اثر گئی |
| میں دیکھ کے خضر کوئی کبھی رہ ہی سے ڈر گیا |
| کہیں جو پڑھ لیا یہ چہرہ میرا یار نے کسی |
| جھکی نگاہ پھیر لی ، میں بات سے مکر گیا |
| گئے دنوں کی یاد میں لگے ہمیں ہیں غم کئی |
| چراغ ہر بجھا دیا جو سانحہ گزر گیا |
| سمندروں کی ریت پر ہی نیند مجھ کو آ گئی |
| میں پور پور قبر میں یوں روز اک اتر گیا |
معلومات