| تجھ سے کرنی ہے بات رستے میں |
| چل گزاریں یہ رات رستے میں |
| کیا کہا؟ اس امیر زادے کی |
| لٹ گئی ہے بارات رستے میں |
| ایک جگنو بھی ساتھ کر لیجے |
| ہو بھی سکتی ہے رات رستے میں |
| آج اس خوبرو نے آنا ہے |
| ہم لگائیں گے گھات رستے میں |
| تب سے تنہا سفر نہیں کرتے |
| جب سے کھائی ہے مات رستے میں |
| وقت کس سانحے پہ لے آیا |
| آ گیا ہے فرات رستے میں |
| درس دیتا رہا ثبات کا جو |
| خود پھرے بے ثبات رستے میں |
| تم نے مکتوب میں لکھا عابد |
| تختیِ دل دوات رستے میں |
معلومات