| فروزاں ہیں ایسے مقدر کے تارے |
| بنے جس کے داتا نبی ہیں ہمارے |
| بنایا سجایا خدا نے جہاں کو |
| قدم پھر نبی نے جہاں میں اتارے |
| مسرت کے ڈنکے بجے دو جہاں میں |
| منور ہوئے سب ثوابت ستارے |
| گئی روشنی قعرِ ظلمت میں بھی یہ |
| درخشاں ہوئے بھاگ ہستی کے سارے |
| کیا ذکر اونچا خدا نے نبی کا |
| پڑھو سمجو قرآں کے نوری سپارے |
| یوں معراج بخشی نبی کو خدا نے |
| کھڑے عرش پر ہیں نہ جوتے اتارے |
| درود آئیں مولا سے بر آلِ دلبر |
| حسیں فردِ عترت نبی کے ہیں پیارے |
| ہیں محمود جن کی بلندی پہ شانیں |
| مقدر دہر کے انہوں نے سنوارے |
معلومات