| وہی دعویٰ محبت کا سرِ بازار کرتے ہیں |
| نظر جن پر مدینے سے سخی سرکار کرتے ہیں |
| سدا ان کی بنے بگڑی رہیں وہ راہ سیدھی پر |
| نگہ اِن پر شہے والا ہزاروں بار کرتے ہیں |
| ملے مے ان کو بطحا سے پئیں کوثر وہ میداں میں |
| نبی بیڑا غلاموں کا بھنور سے پار کرتے ہیں |
| عطا ان کی ہے بے پایاں جو لائیں ابر رحمت کے |
| کرم عاصی پہ ہر جا دل وہی مختار کرتے ہیں |
| شہے بطحا عنایت ہو غلاموں کا تقاضہ ہے |
| کبھی سپنوں میں آ جائیں حزیں اسرار کرتے ہیں |
| ہوئے بدنام ہم یارو زیاں کاری بنی طینت |
| گناہوں کا بھرے دل سے حزیں اقرار کرتے ہیں |
| درِ جاناں سے سب مانگو ہو دریا موج میں اُن کا |
| دلِ خستہ شہے مرسل گل و گلزار کرتے ہیں |
| گدا محمود تیرا ہے کریمی کرم فرمائیں |
| سفارش اس حزیں کی ہم سخی دربار کرتے ہیں |
معلومات