| نورِ رب ہو خلق کے سردار تم ہو |
| دو جہاں کے مالک و مختار تم ہو |
| مہکا باغِ انبیاء جس کی مہک سے |
| اس گلستاں کے گل و گلزار تم ہو |
| جس کی میٹھی باتیں گھر کرتی ہیں دل میں |
| ایسے شیریں لہجہ خوش گفتار تم ہو |
| موہ لیتی دل کو جس کی سب ادائیں |
| میرے آقا وہ حسیں کردار تم ہو |
| پہلے تھے وہ آدم و موسی و عیسیٰ |
| مصطفی بخشش کا اب معیار تم ہو۔ |
| حشر میں خلقت شفاعت کو پھرے گی |
| شافعِ محشر اسی دن یار تم ہو |
| سامنے جس کے سرِ اہلِ عرب خم |
| ایسے عالی مرتبہ سردار تم ہو |
| تاباں جس کے نور سے ہے قبرِ عاجز |
| یا نبی وہ منبعِ انوار تم ہو |
معلومات