| کچھ تلخیِ فراق کا سامان ڈھونڈیے |
| میں کھو گیا ہوں تجھ میں مری جان ڈھونڈیے |
| شاید تمہیں دکھائی دے میرا بھی نام پھر |
| بھولا ہوا ہے تجھ کو جو پیمان ڈھونڈیے |
| اس دورِ نا رسائی میں ملنا نہیں تمہیں |
| پتھر کے بت کدوں میں نہ انسان ڈھونڈیے |
| سب ناچتے ہیں لوگ جو ڈھولک کی تال پر |
| کس میں بچا ہے کتنا اب ایمان ڈھونڈیے |
| رستے بہت ہیں کوچہِ محبوب کے مگر |
| تم ایسا کیجئے کوئی آسان ڈھونڈیے |
| اس کارِ دل لگی کا تو انجام ہے یہی |
| جو نفع ڈھونڈتے ہو تو نقصان ڈھونڈیے |
| مشکل نہیں ہے تم کو جو مل جائے گر کہیں |
| میرے ہی قتل کا کوئی فرمان ڈھونڈیے |
معلومات