| محبّت امن صلح و آشتی کی اک کہانی کا |
| لکھا جائے گا پہلا باب ان سے شادمانی کا |
| بھلا ہے کون جس نے خواب یہ دیکھا نہیں ہو گا |
| سکونِ قلب ہو جس میں میسّر حکمرانی کا |
| تم اپنا پیار سب کو بانٹ کر دیکھو تو پاؤ گے |
| کوئی تو منتظر ہو گا محبّت کی نشانی کا |
| ہوئی مرشد کے منہ سے نہر جاری علم و عرفاں کی |
| سخن اس کا لگے جیسے ہو دریا اک روانی کا |
| کوئی بہرہ یا اندھا ہے تو اُس کا دوش اُس کے سر |
| کسی کے پاس بھی حل تو نہیں ہے بد گمانی کا |
| حفاظت کا تو سارا بوجھ اس نے لے لیا سر پر |
| مکلّف میں تو اتنا ہوں کہ سوچوں پاسبانی کا |
| خدا کے سامنے راتوں کو رونا اور دعا کرنا |
| نہیں پھر لوٹ کر آتا زمانہ یہ جوانی کا |
| تمہیں طارق زمانے سے کوئی شکوہ نہیں ہو گا |
| دلوں کو جیتنے کا ہے خیال اس رُت سُہانی کا |
معلومات