در بدر ہونا کسے کہتے ہیں اندازا ہوا |
بند جب ہم پر ہمارے دل کا دروازہ ہوا |
سوئے محفل اٹھ رہی ہے کیوں یہ دیوانی نظر |
ان کو آخر کس کو ٹھکرانے کا پچھتاوہ ہوا |
برچھیوں بھالوں کے گھاؤ بھر ہی جاتے ہیں مگر |
زخم کب لفظوں کے تیروں کا لگا اچھا ہوا |
جانے کس آسیب کا سایہ ہے میرے شہر پر |
کیوں نظر آ تا ہے ہر پیر و جواں سہما ہوا |
اس میں اب کوئی وضاحت کی ضرورت ہی نہیں |
مختصر یہ ہے کہ جو کچھ بھی ہوا اچھا ہوا |
کیا دھواں کیا شمعِ محفل کیا پتنگے کیا حبیب |
جو بھی تیری بزم سے نکلا وہی رسوا ہوا |
معلومات