| شرمائیں جو جنت کو یہاں ایسے نظارے ہیں |
| جس شہرِ مدینہ میں دلدار ہمارے ہیں |
| آتے ہیں یہاں احقر سلطان گدا بن کر |
| برہانِ خدا اس جا مولا کے جو پیارے ہیں |
| اس منبعِ رحمت کے قلزم ہیں نبی میرے |
| گھبرائیں نہ اب عاصی ہمیں ان کے سہارے ہیں |
| آقا ہیں سخی پیارے ہم پیتے ہیں جام اُن سے |
| توحید کے یہ ساقی دو جگ میں نیارے ہیں |
| مولا نے کہاں پیدا کیا میرے نبی جیسا |
| وہ اوپر سدرہ سے نیچے دہر میں سارے ہیں |
| امت کے لئے گریہ سرکار سے ہے شب میں |
| کچھ خاص پیام اُن پر قدرت نے اتارے ہیں |
| محمود نہ گھبرا تو آقا ہیں نبی تیرے |
| کرتے ہیں ثنا جن کی جو عرش کے تارے ہیں |
معلومات