| ہنسنا ترا ہے خوب یہ رونا مِرا نصیب |
| پلکوں پہ موتیوں کو سجونا مِرا نصیب |
| میری نظر میں تو ہی تو ہر وقت ہر گھڑی |
| تیری نظر میں میرا نہ ہونا مِرا نصیب |
| ناکامیوں کے درمیاں کھوئی ہے زندگی |
| کیا شمعِ بارِ زیست ہے ڈھونا مِرا نصیب |
| مجھ کو ابھی بھی ہے ترے لطف و کرم کی آس |
| بنتا ہے کب ذرا یہاں سونا مِرا نصیب |
| گھر بار یار لوگ ہوئے مجھ سے دور دور |
| اک چل پڑا ہے سلسلہ کھونا مِرا نصیب |
| سونا ترا نصیب ہے پھولوں کی سیج پر |
| گرد و غبار خاک پہ سونا مِرا نصیب |
| تیری ہتھیلیوں کو مبارک حنا کے رنگ |
| اپنے لہو میں انگلی ڈبونا مِرا نصیب |
| گاؤں کبھی تو شہر کبھی پھوٹ پاتھ پر |
| بکتا رہا ہے بن کے کھلونا مِرا نصیب |
| یا رب وہ دور کر دے مِرا فرش خار کا |
| جو بن چکا ہے خار بچھونا مِرا نصیب |
معلومات