| مہکی مہکی سی ہے آج ساری فضا |
| لگتا ہے کھل گئے گیسوئے مصطفی |
| ابرِ رحمت ہے ہم پہ برسنے لگا |
| آج ہے آ رہا وہ دُلھا عرش کا |
| والضحی چہرا، والیل گیسو ترے |
| واہ! کتنا پیارا ہے نقشہ ترا |
| نوری نوری سا ہے آج سارا سماں |
| سیر کو نکلا ہے وہ حبیبِ خدا |
| اے صبا چوم کر نعلِ پاکِ شہا |
| کہنا بیٹھا تری آس پہ اک گدا |
| کرتا ہے یاد تیری میں آہ و فُغاں |
| پڑھتا ہے مصطفی کی وہ نعتیں سدا |
| ہجر تیرے میں ایسا ہوا حالِ دل |
| درد سے تڑپے ہے جیسے شہ رگ کٹا |
| ہجر تیرے میں انگاروں پہ دل جلا |
| وصل سے ان فگاروں کی دے تو شفا |
| اُمِّ مَعْبَد نے دیکھا جو جلوہ ترا |
| سوہنا سوہنا نام بس ہے جپا |
| جلوہ "مہرِ علی" کو دکھایا تھا جو |
| جلوہ عاجز کو بھی وہ کرو تم عطا |
| برسے گا ہم پہ ابرِ کرم بالیقیں |
| عاصیوں کو فتَرضیٰ کا ہے آسرا |
معلومات