| شعلہِ دل کی بھڑکدار ادا جانتی ہے |
| کس کے گھر آگ لگانا ہے، ہوا، جانتی ہے |
| پس گئی برگِ وفا سنگِ ملامت سے تو کیا |
| رنگِ گل کا پتہ پامال حنا جانتی ہے |
| کتنا معصوم ہے محبوب مرا اے یارو |
| روٹھ جانے کو مرے، میری انا جانتی ہے |
| اڑ گیا رنگ سفیدی بھی ہے گہرانے لگی |
| ماں مگر اب بھی مجھے پھول نیا جانتی ہے |
| رہتے ہیں خوف زدہ، حادثے ،اک پھونک سے ہی |
| ماں مری کوئی تو محفوظ دعا جانتی ہے |
| کرتی رہتی ہے سہیلی سے مری ہی باتیں |
| اے مری جان بتا میرا پتہ جانتی ہے |
| کس لیے شور مچاتے ہیں مرے چارہ گر |
| میری تنہائی مرے دل کی دوا جانتی ہے |
معلومات