| اس بزمِ رنگ و بو میں وہی جاوداں رہا |
| روزِ ازل سے جو خودی کا رازداں رہا |
| عالم ہے خاکِ پاۓ مسافر اے رہ نشیں |
| اس تیز گامِ رہ کے جو منزل نشاں رہا |
| دنیا کی محفلیں تو اسی شمع رو کی ہیں |
| رہ کر زمین پر جو سدا آسماں رہا |
| تقلید اس کی ہم پہ بھی واجب ہے راہ بر |
| جو ایک ، ایک رہ کے بھی اک کارواں رہا |
| اس نام سے ہے زندگی کا کارواں رواں |
| جس کا ہر ایک حرف مجھے جانِ جاں رہا |
| کیا نظمِ بزمِ رنگ و بو ہے اے خدا ترا |
| خود مالکِ مکینِ جہاں لا مکاں رہا |
| حاصل ہے میری فکر کا وہ بے خطر جواں |
| جو عصرِ نو میں قوم و دیں کا پاسباں رہا |
| ہر بزم میں ہے شہرۂ " شاہؔی تخیلات " |
| صدیوں تلک میں اس گماں سے شادماں رہا |
معلومات