| دیکھ کر تصویر میری پھیر لی اس نے نظر |
| خیریت گزری وہاں پر مَیں نہ تھا بارِ دِگر |
| غیر کے کہنے پہ مجھ سے بے سبب ناراض ہو |
| جبکہ مَیں ایسا نہیں جس نے چلائی تھی خبر |
| چل رہی ہے نسلِ نَو اُس خاص طرزِ فکر پر |
| نا کوئی منزل ہے جس کی نہ کوئی رستہ نہ گھر |
| وہ بھی دن تھے جب کسی کی آنکھ کا تارا تھا مَیں |
| جا چکے وہ دور کب کے گُم ہوئے شام و سحر |
| زندگی گو سب سے بڑھ کر ہے تغیّر آشنا |
| شُکر ہے اللہ کا مسرور ہوں شام و سحر |
| کتنا رعب و دبدبہ تھا ایک دن جس شخص کا |
| ہاتھ میں کشکول تھامے پھر رہا ہے در بدر |
| اس جہاں میں کب کسی کو دائمی منصب ملا |
| نہ کوئی دارا سکندر نہ فقیرِ رہ گزر |
| ٹھیک ہو جاتی ہے کاغذ پر لکھی غلطی امید |
| دل مگر کاغذ نہیں ہے ہو گیا زیر و زبر |
| بی۳ |
معلومات