| یہ ہی خوش فہمی تمہاری، تمہیں لے ڈوبے گی |
| جو سمجھتے ہو شبِ غم ہمیں لے ڈوبے گی |
| دشمنوں کی کیا ضرورت، یہ جو قسمت ہے نا |
| ہم کے جتنی بھی اڑانیں بھریں، لے ڈوبے گی |
| وہ جفاؤں کے سہارے ہمیں ٹھکراتے ہیں |
| ایک دن ان کی یہ غلطی انہیں لے ڈوبے گی |
| اپنے اشکوں کا بتاتا ہی نہیں میں اس کو |
| ورنہ لہروں کی زباں بات میں لے ڈوبے گی |
| اس کی آنکھوں میں نہ دیکھیں گے دوبارہ ثاقبؔ |
| اس کی آنکھوں کی چمک پھر ہمیں لے ڈوبے گی |
معلومات